గన్నీ బ్యాగ్ గోదాంలో భారీ అగ్ని ప్రమాదం

దిశ, కరీంనగర్ రూరల్: కరీంనగర్ సమీపంలో తెల్లవారు జామును చోటు చేసుకున్న అగ్ని ప్రమాదంలో భారీ నష్టం వాటిల్లింది. షాట్ సర్క్యూట్ కారణంగా ఈ ప్రమాదం సంభవించిందని ప్రాథమికంగా నిర్దారించారు. సంఘటనా వివరాల్లోకి వెళ్లే... కరీంనగర్ సమీపంలోని బొమ్మకల్ బైపాస్ రోడ్డు ఫ్లై ఓవర్ బ్రిడ్జి వద్ద ఉన్న గోదాంలో శుక్రవారం తెల్లవారు జామున భారీగా మంటలు చెలరేగాయి. ఈ విషయాన్ని గమనించిన స్థానికులు పోలీసులకు, ఫైర్ అధికారులకు సమాచారం ఇవ్వడంతో హుటాహుటిన చేరుకుని మంటలు ఆర్పే ప్రయత్నం చేశారు. ఈ గోదాంలో గన్నీ బ్యాగులే ఉండడంతో అగ్ని కీలలకు సంచులన్నీ కాలి బూడిదయిపోయాయని అంచనా వేస్తున్నారు. సుమారు 40 వేల గన్నీ బ్యాగులు ఇందులో ఉన్నాయని, రూ. 12 లక్షల వరకు నష్టం వాటిల్లిందని గోదాం యజమానులు చెప్తున్నారు. అధికారులు మంటలు పూర్తిగా చల్లారిన తరువాత నష్టాన్ని అంచనా వేయనున్నారు.

Also Read....

పెళ్లి విందులో తుపాకీతో బెదిరింపులు